සම්පූර්ණයෙන්ම විදුලියෙන් ධාවනය වන ගුවන් යානය සැබෑවක් වෙයි

ලෝකයේ ප්‍රථම සම්පූර්ණයෙන්ම විදුලිය මගින් ධාවනය වන මගී ගුවන් යානය පියාසර කිරීමට සූදානම් වේ. ඊශ්‍රායල සමාගමක් වන ඒවියේෂන් විසින් නිපදවන ලද ඇලිස් ගුවන් යානය පසුගිය සතියේ සියැටල් නගරයට උතුරින් පිහිටි ආර්ලින්ටන් නාගරික ගුවන් තොටුපළේදී එන්ජින් පරීක්ෂාවට ලක් විය.

විදුලි මෝටර් රථයක හෝ ජංගම දුරකථනයක බැටරි තාක්ෂණයට සමාන බැටරි තාක්ෂණයක් සහිතව නිර්මාණය කර ඇති මෙම ගුවන් යානය විනාඩි 30ක ආරෝපණයකින් පැය කාලයක් ගමන් කිරීමට හැකියාව තිබේ.

මගීන් නව දෙනෙකුට ගමන් කළ හැකි ඇලිස් යානයට පැයක් තුළ නාවික සැතපුම් 440ක් පමණ පියාසර කිරීමට හැකි වේ. යානයේ උපරිම ගමනාගමන වේගය පැයට සැතපුම් 287 කි. විදුලි ගුවන් ගමන් කෙරෙහි පමණක් අවධානය යොමු කරන සමාගම මගීන් 20 සිට 40 දක්වා ගමන් කළ හැකි විදුලි ගුවන් යානා වසර හතක් හෝ 10ක් තුළ යථාර්ථයක් කිරීමට අපේක්ෂා කරයි.

සමාගම විසින් මූලාකෘතියේ අනුවාද තුනක් සංවර්ධනය කර ඇත: "මගි" ප්‍රභේදයක්, විධායක අනුවාදයක් සහ භාණ්ඩ සඳහා විශේෂිත එකක් ලෙසිනි. මගී ගුවන් යානය වින්‍යාසය මගීන් නව දෙනෙකු සහ ගුවන් නියමුවන් දෙදෙනෙකු මෙන්ම භාණ්ඩ රාත්තල් 850 ක් ප්‍රවාහනය කිරිමට හැකිවෙයි. විධායක සැලසුමට වඩා ඉඩකඩ සහිත ගුවන් ගමනක් සඳහා මගී ආසන හයක් ඇති අතර භාණ්ඩ ප්‍රවාහන යානය ඝන අඩි 450 ක පරිමාවක් දරයි.

සමාගමට අනුව වාණිජ ජෙට් යානාවල නඩත්තු සහ මෙහෙයුම් පිරිවැය 70% දක්වා අඩු කර ගනිමින් මේ සියල්ල කළ හැකිය.