නිදහස කම්මුතු කරන්නෙක් ඉදිරිපත් කළා - අගමැති
බියෙන් හා සැකයෙන් තොරව ජීවත් විය හැකි ආරක්‍ෂිත පරිසරයක් ගොඩනගන බවට පොරොන්දු දී ගෝඨාභය රාජපක්‍ෂ මහතා ජනාධිපති අපේක්‍ෂකත්වයට ඉදිරිපත් වන්නේ එක්නැලිගොඩ, ලසන්ත වික්‍රමතුංග වැනි මාධ්‍යවේදීන් ඝාතනය හා පැහැර ගැනීම්, සිරස හා උදයන් වැනි මාධ්‍ය ආයතනවලට පහර දීම්, රතුපස්වල වැනි විරෝධතාවලට ප්‍රහාර එල්ල කිරීම්, වැලිකඩ රැඳවියන් ඝාතනය කිරීම්, සුදු වෑන් යොදාගෙන අපරාධ කිරීම්, පැල්පත් නිවාසවල මිනිසුන් පන්නා දැමීම් ඇතුලූ සිද්ධීන්ට සමාව ගෙන දැයි අග්‍රාමාත්‍ය රනිල් වික්‍රමසිංහ මහතා පැවැසීය.
අධිකරණය ස්වාධීන කිරීම, තොරතුරු ලබා ගැනීමේ අයිතිය සහතික කිරීම, ස්වාධීන කොමිෂන් සභා ඇති කිරීම, අතුරුදන්වූවන් වෙනුවෙන් කාර්යාලයක් පිහිටුවීම වැනි ක්‍රියාමාර්ග රාශියක් ගෙන තිබෙන නිසා විවේචන එල්ල කිරීම්, විරෝධතා පැවැත්වීම ඇතුළු ප්‍රජාතන්ත්‍රවාදී නිදහසක් රට තුළ ඇති කර තිබෙන බව පැවසූ අග්‍රාමාත්‍යවරයා ඊයේ දිනයේ “නිදහස කම්මුතුකරන්නෙක්”, රටට ඉදිරිපත් කළේලබා දුන් නිදහස විනාශ කිරීමට බව ද පෙන්වා දුන්නේය.
ඇතැමුන් වචනයෙන් පමණක් නිදහස ආරක්‍ෂා කිරීම ගැන කතා කළත්, ක්‍රියාවෙන් සැබෑ නිදහස ලබාදුන්නේ කවුරුන්දැයි නැවතත් සිතා බලන ලෙස වික්‍රමසිංහ මහතා මෙහිදී ජනතාවගෙන් ඉල්ලා සිටියේය.
අග්‍රාමාත්‍ය රනිල් වික්‍රමසිංහ මහතා මෙම අදහස් පළ කළේ අද (12දා) දින රණාල, ජල්තර ප්‍රදේශයේ මධ්‍යම පාන්තිකයින් වෙනුවෙන් ඉදිකළ “සැමට සෙවන ග්‍රීන් වැලි රෙසිඩන්සීස්” මහල් නිවාස සංකීර්ණය විවෘත කිරීමේ උත්සව අවස්ථාවට එක්වෙමිනි.
රුපියල් මිලියන 1900 ක් වැය කරමින් ඉදිකර ඇති මෙම නිවාස සංකීර්ණය නිවාස 350 කින් සමන්විත වන අතර අභ්‍යන්තර මාර්ග පද්ධති, වාහන නතර කිරීමේ පහසුකම්, ශරීර සුවතා මධ්‍යස්ථාන, වෛද්‍ය මධ්‍යස්ථාන, ළමා ක්‍රීඩාංගන, දිවා සුරැකුම් මධ්‍යස්ථාන, පිහිනුම් තටාකාංගන හා සුපිරි වෙළෙඳසැල් යන පහසුකම්වලින් ද සමන්විත වේ.
“සෑම මාධ්‍ය නාලිකාවක්ම මට දෝෂාරෝපණ එල්ල කළත් එම කිසිඳු මාධ්‍ය ආයතනයකට හානි කිරීම්, මාධ්‍යවේදීන් සුදු වෑන් රථවලින් පැහැරගෙන යාම, ඝාතනය කිරීම, ප්‍රශ්න කිරීම් සිදු වුණේ දැයි මා විමසා සිටීමට කැමතියි. එවැනි කිසිඳු සිදුවීමක් නොවූ බව මා වගකීමෙන් ප්‍රකාශ කරනවා. අපට විරුද්ධව නඩු පැවරීමට, තීරණ ගැනීමට හැකි නිදහස් රටක් අප බිහි කර තිබෙනවා.”
ඡායාරූප ජයමාල් චන්ද්‍රසිරි
popular news
-
Kumar Monday, 12 August 2019 09:50 PM
අගමැතිතුමා ඔහොම කිව්වට රටේ වැඩි දෙනෙක් පොහොට්ටුවට කැමති නම් කරන්න දෙයක් නැහැ. වැඩි දෙනාගේ කැමැත්තට ඉඩ දෙන්න ඕනෙ. ඔබතුමාගේ කාලේ පෙළපාලි ගියාට මැරයෝ පහර දුන්නේනැ. විවේචනය කලාට මාද්‍ය වේදීන් ගුටීකවෙත් නැ. ඒ ආකාරයේ පාලනයට වැඩි දෙනා අකමැති වගෙයි. කුරුණෑගල අම්මලා කට්ටියක් බලාගෙන ඉන්නවා ආණ්ඩුවෙන් ලක්ෂ ගානක් ලබාගන්න.. ඇයි සිල්රෙදි දෙකට කඩලා බෙදුව අය. ගුවන් හමුදාවත අලුත් මිග් යානා කිහිපයක් ලැබෙන්නේ නැතැ.
Reply : 1 0
සෙනෙවි Tuesday, 13 August 2019 10:56 AM
බැංකු බිඳල රටක්ම කම්මුතු කල හාදයා නිදහසක් ගැන කතා කරනවා
Reply : 1 8
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
