හිරිවඩුන්න වැව් බැම්ම කැඩේ - අපුර පූජා නගරයට ගංවතුර

හබරණ, හිරිවඩුන්න වැවේ වැව් බැම්ම කැඩී යාම නිසා පහත් බිම් ගණනාවක් ජලයෙන් යට විය. අද (21දා) උදෑසන  8.30 ට පමණ වැව් බැම්ම කැඩී ගොස් ඇති අතර, මේ වනවිට අඩි 15 ක ප්‍රමාණයක් වැව් බැම්ම කැඩී ගොස් ඇත.

මෙසේ ගලායන ජල පහර හේතුවෙන් කුඹුරු අක්කර 275 ක් පමණ සම්පූර්ණයෙන්ම විනාශ වී ඇත.

අනුරාධපුරයට ගංවතුර 

පසුගිය දින කිහිපයේදී අනුරාධපුර හා තදාසන්න ප්‍රදේශයන්ට බලපෑ අධික වර්ෂාව හේතුවෙන් අනුරාධපුර පූජා නගරය හා ඒ තදාසන්න ප්‍රදේශ ජලයෙන් යටවී තිබේ. අටමස්ථානයේ සමහර ස්ථානයන්ට යා නොහැකිවන පරිදි ප්‍රවේශ මාර්ග ජලයෙන් යටවී තිබේ.

ඉන්දික සෙනෙවිරත්න/එස්. කරුණාරත්න