ජනපති ඉන්දියානු සාගර කලාපීය රාජ්‍ය නායක සමුළුව අමතයි

ඉන්දියානු සාගර කලාපීය රාජ්‍ය නායක සමුළුව අද (07දා) පෙරවරුවේ ඉන්දුනීසියාවේ ජකර්තා නුවරදී ආරම්භ වූ අතර, ජනාධිපති මෛත්‍රීපාල සිරිසේන මහතා විසින් ශ්‍රී ලංකා වේලාවෙන් අද පෙ.ව 11.00 ට පමණ සමුළුව ඇමතූ බව ජනපති මාධ්‍ය ඒකකය සඳහන් කරයි.

එම සමුළුවේදී ඉන්දියානු සාගරය සාමකාමී, ස්ථාවර හා සෞභාග්‍යවත් කලාපයක් බවට පත්කිරීම සඳහා සමුද්‍රීය සහයෝගිතාව ශක්තිමත් කිරීමේ සම්මුතියට එහිදී ජනපතිවරයා අත්සන් තැබූ බව එම මාධ්‍ය ඒකකය සඳහන් කරයි.

ඉන්දියානු සාගර කලාපයේ පිහිටි රාජ්‍යයන්ගේ තිරසර හා සමබර සංවර්ධනය අරමුණු කරගනිමින් මෙවර සමුළුව පැවැත්වූ බව ජනපති මාධ්‍ය ඒකකය වැඩිදුරටත් සඳහන් කරයි.