ජනපතිට එරෙහිව ලන්ඩන් නුවර විරෝධතා

පොදු රාජ්‍ය මණ්ඩලයීය රාජ්‍ය නායක සමුළුවට එක්වීම සඳහා එංගලන්තයේ ලන්ඩන් නුවරට ගොස් සිටින ජනපති මෛත්‍රීපාල සිරිසේන මහතාට විරෝධය දක්වමින් එල්.ටී.ටී.ඊ. හිතවාදීන් විසින් අද (19දා) ලන්ඩන් නුවරදී විරෝධතාවක් පැවැත්වීය.

"මෛතී නැවතත් ලංකාවට යනු, අපට නව ව්‍යවස්ථාවක් අවශ්‍ය නෑ අවසන් විසඳුම දෙමළ ඊළමයි. " යනුවෙන් වූ සටන් පාඨ සහිත පුවරු හා එල්.ටී.ටී.ඊ. කොඩි රැගෙන ඔවුන් මෙම විරෝධතාව දියත් කළේය.

පොදු රාජ්‍ය මණ්ඩලයීය රාජ්‍ය නායක සමුළුව පැවැත්වෙන බකිංහැම් මාළිගය ආසන්නයේ මෙම විරෝධතාව පැවැත්විණ.