මොළයට සමානව ක්‍රියා කරන පරිගණකයක් චීනයෙන්

නියුරෝන මිලියන 100 කට වඩා වැඩි මොළයට සමාන ක්‍රියාකාරිත්වයක් සහිත පරිගණකයක් නිර්මාණය කිරීමට චීන පර්යේෂක කණ්ඩායමක් සමත්ව තිබේ. නැඟෙනහිර චීනයේ ෂෙජියැං පළාතේ පර්යේෂකයන් විසින් නිර්මාණය කළ මෙම පරිගණයකය චීනයේ එවැනි ආකාරයෙන් පළමු පරිගනකය වෙයි.

ෂෙජියැන්ග් විශ්ව විද්‍යාලය සහ ෂෙජියැන්ග් ලැබ් එක්ව අඟහරුවාදා ඩාවින් මවුස් නමින් අලුතින් සංවර්ධනය කරන ලද පරිගණකය හඳුන්වා දුන්නේය.

මෙම අධි තාක්‍ෂණික උපාංගයේ ෂෙජියැන්ග් විශ්ව විද්‍යාලය විසින් සංවර්ධනය කරන ලද දෙවන පරම්පරාවේ මොළයට සමාන ඩාවින් චිප් 792 ක් අඩංගු බව ෂෙජියැන්ග් විද්‍යාගාරයේ අධ්‍යක්ෂ ෂු ෂිකියැන්ග් පැවසීය. පරිගණකයේ සාමාන්‍ය විදුලි පරිභෝජනය වොට් 350-500 අතර  ප්‍රමාණයකි..

ෙමෙම පරිගණක සඳහා වි‍ශේෂයෙන් නිර්මාණය කරන ලද මෙහෙයුම් පද්ධතියක් ද ඩාවින් ඕඑස් ලෙස නම් නිර්මාණය කර තිබේ.

පර්යේෂකයන්ට අනුව, මොළයට සමාන පරිගණකකරණය යනු මොළයේ ස්නායුක ජාලයේ ව්‍යුහය හා මෙහෙයුම් යාන්ත්‍රණය අනුකරණය කිරීම සහ නව කෘතිම බුද්ධි ආදර්ශයක් ගොඩනැගීම සඳහා දෘඩාංග හා මෘදුකාංග භාවිතා කිරීමයි. එය කෘතිම බුද්ධිය වැනි ක්ෂේත්‍රවල සංකීර්ණ පරිගණක ආශ්‍රිත ගැටලු විසඳීම සඳහා වැදගත් ක්‍රමයක් ලෙස සැලකෙන නව්‍ය පරිගණක නිර්මාණකි.

මෙම වර්ගයේ පරිගණකයකට විවිධාකාර බුද්ධිමත් කාර්යයන් ඉටු කිරීමට හැකි වී ඇති අතර, ගංවතුර-සටන්-සහ මුදා ගැනීමේ මෙහෙයුම් වලදී බහු රොබෝවරුන්ගේ සහයෝගීතාව සක්‍රීය කිරීම, මොළයේ විවිධ ප්‍රදේශ අනුකරණය කිරීම වැනි විවිධ දෑ සිදුකිරීමට අවස්ථාව තිබේ.