රටවල් 99කට දැවැන්ත සයිබර් ප්‍රහාරයක්

ලෝකයේ රටවල් 99ක පමණ පරිගණක පද්ධති සඳහා දැවැන්ත සයිබර් ප්‍රහාරයක් එල්ලවී ඇති බව ජාත්‍යන්තර මාධ්‍ය වාර්තා කරයි.

ඇමෙරිකාව, චීනය, රුසියාව, එංගලන්තය, ස්පාඤ්ඤය, ඉතාලිය, තායිවානය ඇතුළු ප්‍රධාන පෙළේ රටවල්ද මෙම සයිබර් ප්‍රහාරයට ලක්ව තිබේ.

මෙම සයිබර් ප්‍රහාරයෙන් දහස් ගණනක් වූ පරිගණක සඳහා බාධා ඇතිව තිබෙන අතර එයින් ඩොලර් 300ක් ඉල්ලා තිබේ.

මෙම ප්‍රහාරය ඊයේ එල්ල වී තිබෙන අතර ඒ හේතුවෙන් පරිගණක පද්ධතියන්හි දත්ත හුවමාරුව ඇණ හිට තිබේ.

මේ සඳහා පසුගිය මාර්තු මාසයේදී මයික්‍රොසොෆ්ට් සමාගම පරිගණක යාවත්කාලීන කිරීමට වැඩසටහනක් හඳුන්වාදුන් අතර එසේ පරිගණක යාවත්කාලීන නොකළ රටවල් වල පරිගණක මෙයින් බලපෑමකට යටත්වන බව ජාත්‍යන්තර මාධ්‍ය වාර්තා කරයි.