ලොව බලවත්ම කාන්තාවන්ගේ ලැයිස්තුවට අලුතෙන්ම එක් වූ කාන්තාවන් කිහිපදෙනෙක් පිළිබඳ අප පසුගිය සති දෙක තුළදී සටහනක් තැබුවෙමු. මේ එම ලැයිස්තුවට එක්වන තවත් තැනැත්තියකි. ඇයගේ විශේෂත්වය වන්නේ ඇය සිරුරෙන් කුඩා වුවත් ප්‍රබලව නැගී සිටීමයි.
රැප් සංගීතය වෙනුවෙන් සම්මාන ලත් ලඩෝජා
ලොව බලවත් කාන්තාවන් අතරට එක්වන අලුත් මුහුණු කිහිපයක් පිළිබඳ විපරමක් අපි පසුගිය සති කිහිපය තුළ සිදු කළෙමු. මේ එම ලැයිස්තුවට එක්වන පස්වැනි තැනැත්තියයි. එංගලන්ත ජාතික ඇය සංගීතය නිසා බලවත්ව සිටින්නීය. 31 හැවිරිදි ග්‍රේස් ලඩෝජා සංගීත අධ්‍යක්‍ෂවරියක මෙන්ම චිත්‍රපට නිෂ්පාදිකාවක, ඡායාරූප ශිල්පිනියක ලෙස කටයුතු කරයි. උතුරු ලන්ඩනයේ වෙසෙන ඇය විසින් එරට රැප් සංගීතය වෙනුවෙන් සිදු කරන ලද මෙහෙය අතිමහත්ය. එංගලන්තයේ සංගීත ක්‍ෂේත්‍රයේ ප්‍රගමනය වෙනුවෙන් සිදු කළ මෙහෙය වෙනුවෙන් ඇය MBE සම්මානයෙන්ද පිදුම් ලැබීය.
