විශේෂ අවශ්‍යතා ඇති පුද්ගලයන් පිළිබඳව සමාජයේ පවතින ආකල්පයන් වෙනස් මගකට යොමු කිරීමේ අරමුණ පෙරදැරිව ලොව පළමු වරට සංවිධානය වූ Miss Wheelchair World 2017  රූප රාජිනී තරගාවලිය පසුගියදා පෝලන්තයේදී පැවැත්විණි. 
ආබාධිත වුවද රූප සම්පත්තියෙන් අගතැන්පත් තරුණියන් ලෝකයේ රටවල් රැසකින් මෙම තරගය සඳහා ඉදිරිපත්ව සිටියේය.

මෙම තරගාවලියේ ජය තහවුරු කරගනු ලැබුවේ බෙලරුසියා රාජ්‍ය නියෝජනය කළ ඇලෙක්සැන්ඩ්‍රා චිචිකෝවා(Aleksandra Chichikova) නමැති 23 හැවිරිදි මනෝවිද්‍යාව හා සමාජ ශික්ෂණ ශාස්ත්‍රය හදාරන සිසුවියක විසිනි.
මෙම තරගයේ දෙවන ස්ථානය දකුණු අප්‍රිකාව නියෝජනය කළ ලෙබොහැන්ග් මොන්යට්සි විසින්ද, තෙවන ස්ථානය පෝලන්තය නියෝජනය කළ ඒඩ්‍රියානා ස්වඩ්සින්ස්කා විසින්ද දිනාගනු ලැබීය.