ජාත්‍යන්තර වෙළෙඳාම පිළිබඳ උපාධිධාරිනියක වන වෙනීසා පොන්සෙ ඩි ලියෝන් 68 වැනි ලෝක රූ රැජින ලෙස පසුගියදා කිරුළු පැලඳුවාය. චීනයේ හයිනෑන් දිවයිනේ පැවැත් වූ මෙම තරගාවලියේදී ලෝක රූ රැජින ඉතිහාසයේ පළමුවරට මෙක්සිකෝව වෙත කිරුළ හිමිකර දීමට වෙනීසා සමත්වූවාය. 

26 හැවිරිදි වෙනීසා මෝස්තර නිරූපණ ශිල්පිණියක මෙන්ම රූපවාහිනී නිවේදිකාවක ලෙසද කටයුතු කරන්නීය. කිමිදුම්කාරියක ලෙස දස්කම් දක්වන ඇය ගැහැනු දරුවන්ගේ අයිතිවාසිකම් වෙනුවෙන් පෙනී සිටින සමාජ සේවිකාවකද වේ. මෙහි දෙවැනි ස්ථානය තායිලන්තයේ නිකොලින් විසින් දිනාගනු ලැබුවාය.