ගෘහ දිවියේ දහසක් වැඩ කටයුතු මැද්දේ මදකට ලබාගන්නා විවේකයෙන් විසිතුරු මල් සැරසිලි සාදා ගෘහ ආර්ථිකයට ශක්තියක් ගෙන දෙන නාලිකා ප්‍රියදර්ශනී තිස්සමහාරාමයේ දිරිය කාත්නාවකි.

බිත්ති සැරසිලි, අත් බෑග්, කුෂන් කවර, ඇඳ ඇතිරිලි, මේස රෙදි වැනි නිර්මාණයන්ද, විශේෂයෙන් රිබන් මල් සැරසිලි සාදා වෙළෙඳ පොළ ජයගන්නට නාලිකා සමත් වී තිබේ.

තමා නිෂ්පාදනය කරනා විශේෂ රිබන් මල් බඳුන් සඳහා හොඳ වෙළෙඳ පොළක් මේ වනවිට ලැබී තිබෙන බවත්, මෙම කර්මාන්තයෙන් දරුවන් දෙදෙනෙකු සිටිනා තම පවුලේ ආර්ථිකය තවත් දියුණු කරගැනීමට හැකිවූ බවත් ඇය පවසනුයේ සතුටිනි.

තම ස්වාමියාගෙන් ලැබෙනා මාසික වේතනයත්, තමන් මහන්සි වී උපයාගන්නා මෙම ස්වං රැකියාවේ මුදලුත් උපයෝගී කරගෙන මනා ලෙස කිසිවෙකුට ණය නොවී දිවි ගෙවීමට ලැබීම සතුටක් බව ඈ පවසන්නීය.

තමන්ගේ මෙම කර්මාන්තය තවත් වැඩිදියුණු කරගැනීමට උපකාර කළ හැකි ආයතනයක් හෝ සිටී නම් එය මහත් උපකාරයක් බව නාලිකා අප හා පැවසූවාය.

ඇයව දුරකථනයෙන් සම්බන්ධ කරගත යුතුනම් 078 3 327 462 යන අංකයට අමතන්න.

රුක්මන් රත්නායක