ජාතික චිත්‍රපට සංස්ථාවේ 42 වැනි සැමරුම් උත්සවයේදී ජාතික චිත්‍රපට සංස්ථාව නිර්මාණය කිරිමට මූලිකත්වය ගත් හිටපු අගමැතිනී සිරිමාවෝ බණ්ඩාරනායක මැතිණියගේ ඡායාරූපයකට අමාත්‍ය සජිත් ප්‍රේමදාස මහතා පුෂ්පෝපහාර දැක්වීමට කටයුතු කළේය.
කෙසේ වෙතත් උත්සව සභාව ඇමතූ අමාත්‍යවරයා සඳහන් කළේ එම ඡායාරූපයට පුෂ්පෝපහාර දැක්වීමට මුලින්ම තමන්ට ආරාධනා කරනු ඇතැයි සිතුවත් එය සිදු නොවූ බවයි.
“චිත්‍රපට සංස්ථාව නිර්මාණය කිරීමේ කර්තව්‍යය ඉෂ්ට කරන්න කටයුතු කළ දිවංගත ගරු සිරිමාවෝ බණ්ඩාරනායක මැතිණියට උපහාර දක්වන්න පළමුව මාව කැඳවයි කියලා මම හිතුවා. සංස්ථාවේ නිලධාරීන් මල්මලා පැළැන්දුවා.මේ සඳහා ආරාධනා කර දෙපළම යම් චකිතයකින් අවිනිශ්චිත තාවයකින් හිටියා බණ්ඩාරනායක මැතිණිට ප්‍රේමදාසගේ පුතා පුෂ්පෝපහාර දක්වයිද කියලා.මගේ නමවත් කිව්වේ නැහැ.මෙයින්ම චිත්‍රපට සංස්ථාවේ තත්වය හිතාගන්න පුලුවන්.”
නිදුක් මධුෂික / ඡායාරූප ඉසුරු පෙරේරා
