රුවන්වැලි මහා සෑ රදුන්ගේ කොත් වහන්සේ සහ නව චූඩා මාණික්‍ය පැලඳවීම නොවැම්බර් 25 වැනිදා සවස සිදුකිරීමට නියමිතය.
රන් අලේපිත කොත් වහන්සේ නිරාවරණය කිරීම නොවැම්බර් මස 26 වැනිදා උදෑසන සිදුකරන බව විශ්ව පාරමි පදනම සඳහන් කරයි.
සියලු බෞද්ධ ජනතාවට වැඳපුදා ගැනීමට හැකි වන සේ පොදු මහජන ප්‍රදර්ශනය ඊයේ (18දා) සහ අද (19දා) යන දෙදින තුළ කොළඹ බණ්ඩාරනායක සම්මන්ත්‍රණ ශාලාවේ මිහිලක මැදුර ප්‍රදර්ශන මැදුරේදී අවස්ථාව උදාවේ.
නොවැම්බර් මස 20 වැනිදා පෙරවරුවේදී චූඩා මාණික්‍ය සහිත පාදම කොළඹ සිට අනුරාධපුරය දක්වා වඩම්මවනු ලබේ.
පසුව, නොවැම්බර් 20 වැනිදා පස්වරුවේ සිට, නොවැම්බර් මස 21 වැනිදා සම්පූර්ණ දින ඇතුළු, නොවැම්බර් මස 22 වැනිදා පෙරවරු කාලය දක්වාත් රුවන්වැලි සෑ භූමියේ සරසන ලද සුවිශේෂී කුටියක් තුළ චූඩා මාණික්‍ය සහිත පාදම බැතිමතුන් හට වැඳ පුදා ගැනීමට අවස්ථාව උදාවේ.
