ගෙන ඒමට යෝජිත ප්‍රතිත්‍රස්ත පනත හකුළාගන්නා ලෙස බල කරමින් සහ සරසවි අඩපණ කිරීමට ආණ්ඩුව ගෙනයන කුමන්ත්‍රණකාරී වැඩපිළිවෙළට එරෙහිව අද (25දා) අන්තර් විශ්වවිද්‍යාලයීය ශිෂ්‍ය බලමණ්ඩලයේ විරෝධතා පාගමනක් හා විරෝධතා රුලියක් පවත්වනු ලැබිණි.
විරෝධතා පාගමන කැලණිය විශ්වවිද්‍යාලය ඉදිරිපිටින් ආරම්භ වී පිටකොටුව බස්නැවතුම්පොළ දක්වා ගමන් කළේය.
ඉන්පසුව එම ස්ථානයේදී විරෝධතා රුලිය පැවැත්වීමට කටයුතු කෙරිණි.
මෙහිදී අන්තර් විශ්වවිද්‍යාලයීය ශිෂ්‍ය බලමණ්ඩලයේ කැඳවුම්කරැ සඳහන් කළේ සිසු අරගල සහ පොදු මහත් ජනතාවගේ අරගල මර්දනය කිරීමට ප්‍රතිත්‍රස්තපනතක් ගෙන ඒමට ආණ්ඩුව සැලසුම් කර තිබෙන බවයි.
ඡායාරූප - ශමිර රාජපක්ෂ
