දඹුල්ල ආර්ථික මධ්‍යස්ථානයේ පසුගිය දිනවල පහළ ගිය එළවළු මිල යම් මට්ටමකින් ඉහළ අගයක් අද (20දා) ගත් බව දඹුල්ල ආර්ථික මධ්‍යස්ථාන වෙලද සංගමය කියයි.

 එමෙන්ම යාපනය  අර්ධද්වීපයෙන් ලැබෙන එළවළු ප්‍රමාණය මේ දිනවල ඉහළ යමින් පවතිද්දී යාපනයේ වගා කරන මිදී  අස්වැන්න මේ වන විට දඹුල්ලට  විශාල වශයෙන් ලැබෙන බවත් පසු  ගිය වසරේ   රුපියල් 300 ත් 350 ත්   අතර මිලකට අලෙවි වූ මිදී කිලෝවක් සඳහා මෙදින රුපියල් 900 ක මුදලක් ලැබෙන බව ආර්ථික මධ්‍යස්ථාන වෙළෙඳුන් පෙන්වාදෙති

පසුගිය දින කිහිපයේ දඹුල්ල ආර්ථික මධ්‍යස්ථානයට යාපනයෙන් ලැබුණු මිදී කිලෝවකට රුපියල් 1300ක් 1350 ත් අතර ප්‍රමාණයක් ලැබුණු බවත් ආර්ථික මධ්‍යස්ථානයට ලැබෙන මිදි ප්‍රමාණය වැඩි වීමත් සමග මිදි මිල කිලෝ ක මිල රුපියල් 900 දක්වා පහත වැටී ඇති බවත් ඔවුහු පෙන්වා දෙති.

 කෙසේ වෙතත් විදේශ රටවලින් මීදි ගෙන්වීම ඉතා අවම වශයෙන් සිදුවන නිසා යාපනයෙන් මිදි සඳහා වෙළෙන්දන්ගෙන් ඉහළ ඉල්ලුමක් පවතින බව වෙළෙන්දෝ පෙන්වා දෙති.

 කුඩා ඇසුරුම්වල සකසා  යාපනය සිට අලුයම 4 පමණ වන විට දඹුල්ල ආර්ථික මධ්‍යස්ථානයට මිදි අස්වැන්න ලැබෙන බවත් දිවයිනේ සෑම ප්‍රදේශයකින්ම පාහේ   යාපනයේ මිදී  මිලදී දී   ගැනීම සඳහා වෙළඳුන් දඹුල්ලට පැමිණෙන බවද ආර්ථික මධ්‍යස්ථානයේ වෙළඳසැල් හිමියෝ පෙන්වා දෙති

පසුගිය දින කිහිපයේ එළවළු   මිල දඹුල්ල ආර්ථික මධ්‍යස්ථානයේ පහත යමින් තිබිණි, කෙසේ වෙතත් 20 දින අලුයම වන විට ආර්ථික මධ්‍යස්ථානයේ එළවළු මිල දී  ගැනීම සඳහා පැමිණෙන වෙළෙඳුන්ගේ වැඩිවීමත් සමග එළවළු ලැබීම් අවම වීම මත  එළවලු   මිල ඉහළ ගිය බව ආර්ථික මධ්‍යස්ථාන වෙළෙඳ සංගමයේ නියෝජිතයෝ පෙන්වා දෙති

සාමාන්‍යයෙන් එළවළු   ඉල්ලුම සහ සැපයුම න්‍යාය මත මිල තීන්දු වෙන බවද ඔහවුහු වැඩිදුරටත් පෙන්වා දෙති ,

දඹුල්ල ආර්ථික මධ්‍යස්ථානයේ එළවලු තොග මිල

                               2022.08.19  දින      2022.08.20 දින           

 ගෝවා                   160 -180                 280 - 300

 බෝංචි                   220 - 240                250 - 300

ලීක්ස්                      100 - 130                150 - 160

කැරට්                     220 - 280                290 - 300

බීට්රූට්                   55  - 70                   70 - 80

තක්කාලි                 180 -200                250 - 300

රාබු                        50 - 80                   80  - 100

නෝකෝල්             120 -150             160 - 180

 පිපිඤ්ඤා               50 -70                  70   - 80

අර්තාපල් අල          130 -140           150 - 160

 වැට වැටකොළු      130 -150           160 - 180

බණ්ඩක්කා             40 - 70                50 - 70

පතෝල                  160 -180              180 - 200

 කරවිල                   250 -280             280  - 300

වට්ටක්කා               120 - 130          130 - 140

වම්බටු                    320 - 350             300 - 350

මෑ කරල්                 90 - 120             100 - 120

 දඹළ                                                   160 -200

 අමු මිරිස්                320 -350          340 - 370

මාළු මිරිස්               450 - 500         500 - 550

ලොකු ලුනු             130 -140      130 - 140