විපක්ෂනායක මහින්ද රාජපක්ෂ මහතා කොළඹ 07, ශ්‍රීමත් මාර්කස් ප්‍රනාන්දු මාවතේ, අංක 30 ස්ථානයේ පිහිටි  පිහිටි විපක්ෂනායක කාර්යාලයේදී අද (18දා) පෙරවරුවේ වැඩ භාර ගත්තේය.

චාම් උත්සවයකින් පසුව සිදුවන වැඩ භාරගැනීම සිදුවිය. එම අවස්ථාවට ශ්‍රී ලංකා පොදුජන පෙරමුණ සමග එක්ව සිටින පක්ෂ නායකයන් සහභාගි වූයේය.

විපක්ෂනායක ලේකම්වරයා ලෙස පත් කර ඇත්තේ මහින්ද රාජපක්ෂ මහතා ජනාධිපති ධුරය දරන සමයේදී ජ්‍යෙෂ්ඨ සහකාර ලේකම්වරයා ලෙසත්,දින 50 ආණ්ඩුව පැවැති කාලයේදී අග්‍රාමාත්‍ය අතිරේක ලේකම්වරයා ලෙසත් කටයුතු කළ හර්ෂ විජේවර්ධන මහතාය.

මීට පෙර විපක්ෂනායක ධුරයේ කටයුතු කළ ආර්.සම්බන්ධන් මහතා විපක්ෂනායක කාර්යාලයේ සිටි කාර්යමණ්ඩලය හා ලිපිලේඛන ඉවත් කරගෙන තිබෙන අතර,අවසන් වශයෙන් රැඳී සිටි ඔහුගේ ආරක්ෂකයන් තිදෙනාද ඊයේ දිනය වනවිට ඉවත්ව ගොස් තිබිණි.

ඡායාරූප ඒ්ෂාන් ප්‍රනාන්දු