යාපනය, නල්ලූර් කන්දස්වාමී කෝවිලේ වාර්ෂික දේව පූජාව මෙවරද දින 25ක් පුරාවට පැවැත්වීමෙන් අනතුරුව අද (11දා) පැවැති වෛරවර් විශේෂ දේව පූජාවෙන් අවසන් වූ බව නල්ලූර් කෝවිල් භාරකාර මණ්ඩලය පැවසීය.

දේව පූජාවන් වෙනුවෙන් ලක්‍ෂ 7කට අධික දෙස්විදෙස් බැතිමත්හු පිරිසක් සහභාගි වූහ.ඉන්දියාවේ සිටද පූජකවරුන් පිරිසක් නල්ලූර් කස්දස්වාමී කොවිලේ පැවැති දේව පූජාවන් වෙනුවෙන් සහභාගී වූ අතර, බැතිමතුන්ගේ ආරක්ෂාව වෙනුවෙන් පොලීස් නිලධාරීන් 500ක් පමණ පිරිසක් සේවයේ යෙදවීමට යාපනය පොලීසිය කටයුතු කර තිබිණි.

යුද සමයේදී නල්ලූර් කෝවිලේ වාර්ෂික දේව පූජාවන් සඳහා බැතිමතුන් පැමිණීමේ අඩුවක් පැවතියද, මේ වන විට බැතිමතුන්ගේ පැමිණීම ක්‍රමක්‍රමයෙන් වැඩි වී ඇතැයි නල්ලූර් කොවිල් පූජාවන් වෙනුවෙන් සහභාගි වූ බැතිමත්හු පැවසූහ.