රටේ ජාතික ආරක්ෂාව ආරක්ෂා කිරීමටත්, ත්‍රිවිධ හමුදාවේ ගැටලු නිරාකරණය කිරිමටත් ඉදිරියේදී තවදුරටත් කැපවන බව ආරක්ෂක රාජ්‍ය අමාත්‍ය රුවන් විජයවර්ධන මහතා පවසයි.
සිය අමාත්‍යාංශයේ වැඩ භාර ගැනීමෙන් පසුව මාධ්‍ය වෙත අදහස් දක්වමින් ඔහු මේ බව ප්‍රකාශ කළේය.
“මාස දෙකකට පමණ පස්සේ ආරක්ෂක රාජ්‍ය අමාත්‍යවරයා ලෙස නැවතත් වැඩ භාර ගත්තා. ඉදිරියේදි ජනපතිතුමාගේ ආශීර්වාදත්, මග පෙන්වීමත් අග්‍රාමාත්‍ය රනිල් වික්‍රමසිංහ මහතාගේ ආශීර්වාදයත් මග පෙන්වීමත් එතුමා දෙන නායකත්ව උපදෙස් අනුව රාජකාරී කරන්න බලාපොරොත්තු වෙනවා.
අවුරුදු තුනක් තිස්සේ මේ රටේ ජාතික ආරක්ෂාවට මූලිකත්වය දීලා ත්‍රිවිධ හමුදාවන්ගේ ගැටලු නිරාකරණය කරන්න විශාල වැඩ කොටසක් කළා. මාස එක හමාරක් පමණ ඒ වැඩකොටස ඉදිරියට කරගෙන යන්න බැරිවුණා. ඒ කරපු වැඩ ටික ආපහු ඉදිරියට ගෙනිහිල්ලා මේ රටේ ආරක්ෂාව වෙනුවෙනුත් ත්‍රිවිධ හමුදාව ආරක්ෂා කිරිමටත් ගැටලු නිරාකරණය කරන්නත් බලාපොරොත්තු වෙනවා.
ජනපතිතුමාත් අගමැතිතුමාත් මා ගැන විශ්වාසය තබමින් රාජ්‍ය ආරක්ෂක අමාත්‍යවරයා ලෙස නැවත පත්කිරිම ගැන මම ස්තූතිවන්ත වෙනවා.”
