කිලිනොච්චිය, කොකාවිල් රක්ෂිතයේ දිවිගෙවන දළ ඇතා මේ දිනයන්හි ඒ-9 මාර්ගය අසල සැරිසැරීම හේතුවෙන් එම සත්ත්වයා දඩයම්කරුවන්ගේ ගොදුරක් විය හැකි බවට කොකාවිල් ප්‍රදේශවාසීහු පවසති.
මේ දිනයන්හි පවතින අධික පෑවිල්ල හේතුවෙන් ජලය සොයා මෙම ඇතා කොකාවිල් රක්ෂිතයේ සිට ගම්වදින අතර ඒ-9 ප්‍රධාන මාර්ගයේද සැරිසරයි. දළ ඇතාගේ ආරක්ෂාව පිළිබඳ කිලිනොච්චිය වනජීවි නිලධාරීන් පියවර ගත යතු බවටද ප්‍රදේශවාසීහු පවසා සිටිති.
දළ සහිත ඇතෙකු බොහෝ කලකට පසුව ඉතා කලාතුරකින් කිලිනොච්චියේදී දැක ගැනීමට අවස්ථාවක් ඇති වුවද ඇතාගේ ජීවිතය දැඩි අවධානමක ඇති හෙයින් අවධානමට පෙර සූදානම් විය යුතු බවටද කොකාවිල් ප්‍රදේශවාසීහු වැඩිදුරටත් පෙන්වා දෙති.
