කාලක සිට දුම්රිය ධාවනය නොකර අබලන් තත්වයේ පවතින අනුරාධපුර සිට මිහින්තලය දක්වා දුම්රිය මාර්ගය ප්‍රතිසංස්කරණය කිරිමේ කටයුතු ඊයේ (12) ආරම්භ කළේ , ප්‍රවාහන, මහාමාර්ග හා ජනමාධ්‍ය අමාත්‍ය ආචාර්ය බන්දුල ගුණවර්ධන මහතාගේ ප්‍රධානත්වයෙනි.
මෙහිදී අනුරාධපුරයේ සිට මිහිනතලේ දුම්රිය ස්ථානය දක්වා කිලෝමීටර් 12 ක දුර ප්‍රමාණයකින් දුම්රිය මාර්ගය ප්‍රතිසංස්කරණය කිරිමට නියමිතයි. මෙම දුම්රිය මාර්ගය ප්‍රතිසංස්කරණය කරනු ලබන්නේ , දිගුකාලීන විසල් සංවර්ධන වැඩපිළිවෙලක් ඉලක්ක කරගනිමිනි.
ඒ අනුව උතුරු, උතූරු මැද හා නැගෙනහිර යන පලාත් වල නිෂ්පාදන කරන භාණ්ඩ රැස්කර අපනයනය සදහා සුදානම් කරන අපනයන සැකසුම් කලාපයක් මිහින්තලය තුල ස්ථාපනය කිරිමට සැලසුම් කර තිබේ. මෙහි පළමු පියවර ලෙස මෙම දුම්රිය මාර්ගය ඉදිකිරිමේ සමාරම්භක උත්සවය පැවැත්වුනේ , අනුරාධපුර , මිහින්තලේ හංදිය දුම්රිය ස්ථානයේ දී යි.
ලංකා ඉතිහාසයේ ගමන්මග මිහින්තලාවෙන් වෙනස්වුවාක් මෙන් ලංකා ඉතිහාසයේ දුම්රිය ගමන් මාවත වෙනස්වීම අද දිනයේ දී ආරම්භ වන බව මෙහිදී සභාව ඇමතු අමාත්‍ය බන්දුල ගුණවර්ධන මහතා පැවසිය.
මිහින්තලේ අපනයන කලාපය සැකසීමත් සමග උතුර , උතුරු මැද හා නැගෙනහිර පලාත් වල නිෂ්පාදනය කරන භාණ්ඩ මිහිනත්ලයේ ගබඩා සංකිර්ණයකට රැසක්ර අගය එකතු කිරිමෙන් පසුව දුමිරිය මගින් කොළඹ වරායට රැගෙන ඒමටත් , ආනයනය කරන භාණ්ඩ දුම්රිය හරහා මිහින්තලයට රැගෙන විත් පළාත් තුන තුල බෙදා හැරිමටත් පහසුකම් සැලසේ.
ඒ තුලින් මහාමාර්ග ඔස්සේ දිනපතා කන්ටේනර් ධාවනය කිරිමෙන් ඇතිවන වාහන තදබදය ද අවම කරගත හැකියි. ලොකයේ බොහෝ දියුණු රටවල් භාණ්ඩ ප්‍රවාහනයට යොදාගන්නේ දුම්රිය සේවාව වන අතර එය වඩාත් පහසු හා ලභදායි ක්‍රමවේදයක් යනාදි වශයෙන් ද අමාත්‍යවරයා කරුණු දැක්වී ය.
ශ්‍රී ලංකාව ගෙවිමට ඇති ණය තත්ත්වන් ගැන ද අමාත්‍යවරයා මෙහිදී අදහස් පළකලේ ය. දැනට කල්පිරිමට ඇති ණය මුදල ඇමරිකානු ඩොලර් බිලියන 36 කි . කවර ආණ්ඩවක් පැවැතියත් ඉදිරි වසර පහ හය තුල එයන් සියයට 37 ක් ගෙවිය යුතුයි.
අවුරුදු 6 ත් 20 ත් අතර මුළු මුදලින් සියයට පනස් එකක් ගෙවිය යුතු වේ. එම අවුරුදු 20න් පසුවත් සියයට 12ක ණය මුදලක් ගෙවීම කළ යුතුයි. මේ නිසා කවර ආණ්ඩුවක් බලයට පැමිණියත් මෙම ණය ගෙවීමට නිසි වැඩපිලිවෙලක් නොපවතින්නේ නම් , රට අනතුරට ලක්වන බව අමාත්‍යවරයා මෙහිදී පෙන්වා දුන්නා.
ජනාධිපතිතුමාගේ මැදිහත් විමෙන් සැප්තැම්බර් මාසයේ දී විදේශ ණය ප්‍රතිව්‍යුහගත කිරිමට කටයුතු කරමින් සිටින බවත් , එසේ වුව හොත් එළඹෙන වසර සුබදායි වසරක් වනු ඇති බවත් එතුමා අවධාරණය කලේ ය. යථාර්ථය තේරුම් ගෙන කළ යුතු දේ ඵලදායි ලෙස කරන්නට උත්සාහ ගන්නා බවත් , අත් හැර දමා තිබෙන මෙවැනි සම්පත් ප්‍රයෝජනයට ගැනිමට උත්සාහ කරන්නේ ඒ නිසා බවත් අමාත්‍යවරයා වැඩිදුරටත් කී ය.
