ප්‍රංශයේ පැරිස් නගරයට පසුගිය සිකුරාදා එල්ල කළ ත්‍රස්ත ප්‍රහාරයට සම්බන්ධ IS ඉස්ලාම් රාජ්‍ය ත්‍රස්තවාදී කණ්ඩායමේ මහ මොළකරුවා සොයා මෙහෙයුම් මේ වනවිටත් ක්‍රියාත්මක වෙයි.

අබ්දෙල්හමීඩ් අබාවුඩ් නමැති 27 හැවිරිදි ඉස්ලාම් රාජ්‍ය ත්‍රස්තවාදියා සොයා පැරීසියේ සෙන්ට්-ඩෙනිස් හි මහල් නිවාස සංකීර්ණයක් ආශ්‍රිතව මෙහෙයුම සිදුවන අතර, එරට පොලීසිය, පොලිස් විශේෂ කාර්ය බලකාය මෙන්ම හමුදාවද ඊට එක්ව තිබේ.

ප්‍රංශ බලධාරීන් පවසන පරිදි ත්‍රස්ත සැකකාරියක බෝම්බයක් පුපුරුවාගෙන මියගොස් ඇති අතර, තවත් සැකකරුවෙක් ස්නයිපර් ප්‍රහාරයකින් ජීවිතක්ෂයට පත්ව තිබේ.

මෙහෙයුමට සම්බන්ධ පොලීස් නිලධාරීන් පස් දෙනෙකු තුවාල ලබා ඇති අතර, වෙඩි හුවමාරුවේදී පොලිස් සුනඛයෙකු ජීවිතක්ෂයට පත්ව ඇති බවද කියයි.

එමෙන්ම, තවත් සැකකරුවන් 7 දෙනෙකු පොලිස් අත්අඩංගුවට පත්ව තිබේ.  

0