චීනයේ, ග්වන්සි ප්‍රාන්තයේ, නැන්නින්ග් නගරයේදී පැවැත්වෙන චීන - ආසියාන් අපනයන ප්‍රදර්ශනය (CAEXPO) අද (12දා) දෙවැනි දිනටත් පැවැත්විණි. මහජන දිනයක් වශයෙන් නොසැලකුණද විශාල ජනතාවක් ඊයේ දිනයේදී ප්‍රදර්ශනය නැරඹීමට පැමිණ සිටියහ.
ප්‍රදර්ශනයේ විශේෂ ආරාධිත රට වන ශ්‍රී ලංකාවේ වෙළෙඳ කුටි නැරඹීමට චීන ජාතිකයන්ගේ උනන්දුව දක්නට ලැබුණු අතර, තේ, මැණික් සහ ස්වර්ණාභරණ කුටි අසල චීන ජාතිකයන් විශාල පිරිසක් දැකගත හැකිවිය. එහිදී, සිද්ධාලේප වෙළෙඳ කුටිය වෙතද වැඩි දෙනෙකු රැස්ව සිටිනු දැකගත හැකි විය.
