මෙම විරෝධතා පාගමන විරෝධතා පුවරු ප්‍රදර්ශනය කරමින් ටෙක්නිකල් හන්දියේ සිට ජනාධිපති ලේකම් කාර්යාලය දක්වා පැමිණි අතර, මෙහිදී මාධ්‍ය වෙත අදහස් දැක්වූ එම එකමුතුවේ කැඳවුම්කරු වන චරිත ප්‍රසාද් මහතා පවසා සිටියේ මෙසේ සිදු කිරීම තුළින් මහපොළ දීමනාව, විදේශීය පිළිගැනීම ඇතුළු ශ්‍රී ලංකාව තුළ උසස් අධ්‍යාපනයට හිමි වන සියලු වරප්‍රසාද අහිමි වන බවයි.
උසස් අධ්‍යාපන අමාත්‍යාංශය යටතේ විශ්වවිද්‍යාල ප්‍රතිපාදන කොමිෂන් සභාවේ පිළිගත් උපාධියක් ලෙස මෙම එච්.එන්.ඩී පද්ධතිය පත්කරන තෙක් මෙම සටන ඉදිරියටත් පවත්වාගෙන යන බවද ඒ මහතා පැවසීය.
