සිරියාවට එරෙහිව සිදුකරන පහරදීම් නතර කරන ලෙස ඉල්ලා සමාජවාදී තරුණ සංගමය සහ සමාජවාදී ශිෂ්‍ය සංගමය එක්ව කොල්ලුපිටියේ පිහිටි ඇමෙරිකානු මහකොමසාරිස් කාර්යාලය ඉදිරිපිටදී අද (23දා) සවස උද්ඝෝෂණයක් සංවිධානය කර තිබුණි.
මෙම අවස්ථාවට එක්වූවන් සටන් පාඨ කියමින් සඳහන් කළේ ඇමෙරිකාව විසින් අසත්‍ය ප්‍රකාශ කරමින් මීට පෙර ඉරාකයට හා ඇෆ්ගනිස්ථානයට පහරදී ජනතාවට පීඩාකළ බවත් , මේ වන විට සිරියාවට එරෙහිව රසායනික ප්‍රහාරවලින් පහර දෙන බවත්ය.
ඇමෙරිකා එක්සත් ජනපදය ලෝකයේ මානව හිමිකම් කඩකරමින් සිටින බවත්,මෙම තත්ත්වය වැළැක්වීමට ලෝකයේ සියලු රටවල් එක්විය යුතු බවත් ඔවුහු එහිදී අවධාරණය කළහ.
