ශ්‍රී ලංකාවට ඉටුකරන ලද සේවය අගයමින් සිංහ රෙජිමේන්තුවට විශේෂ ජනපති යෂ්ටිය හා රෙජිමේන්තු යෂ්ටිය පිරිනැමීම ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් අඹේපුස්ස සිංහ රෙජිමේන්තු පරිශ්‍රයේදී අද (30දා) සිදු කෙරිණි.
මෙහිදී අදහස් දැක්වූ ජනාධිපතිවරයා ප්‍රකාශ කළේ සිංහ රෙජිමේන්තුව ශ්‍රී ලංකාව වෙනුවෙන් සිය සේවය ඉටු කළ බවයි. යුද්ධය හේතුවෙන් සිංහ රෙජිමේන්තුවේ පමණක් 3700කගේ පමණ පිරිසකගේ දිවි අහිමිව තිබෙන බවද ජනාධිපතිවරයා මෙහිදී ප්‍රකාශ කළේය.
අමාත්‍ය ෆීල්ඩ් මාෂල් සරත් ෆොන්සේකා, ආරක්ෂක රාජ්‍ය අමාත්‍ය රුවන් විජයවර්ධන යන මහත්වරුද මෙම අවස්ථාවට එක්වූහ.
