(UPDATE) 2.01 PM

කොළඹ - අවිස්සාවෙල්ල ප්‍රධාන මාර්ගය කොස්ගම සාලාව ප්‍රදේශයෙන් වසා දමන ලෙස බලකරමින් සාලාව ප්‍රදේශවාසීන් කරන විරෝධතාවේ උණුසුම්කාරි තත්ත්වයක් ඇතිව තිබේ.

විරෝධතාකරුවන් පාරේ වැතිර වාහන ගමනයට බාධා එල්ල කර තිබේ. මෙහෙයුම් සිදුකරන ආරක්ෂක අංශ සාමාජිකයන්ටද විරෝධතාකරුවන් බාධා එල්ල කරමින් සිටියි.

කොස්ගම, සාලාව ප්‍රදේශයෙන් කොළඹ - අවිස්සාවේල්ල මාර්ගය වසා දමන ලෙස බලකරමින් සාලාව ප්‍රදේශ වැසියන් එම මාර්ගය හරස් කරමින් විරෝධතාවක නිරත වී සිටිති.

පාර විවෘත කිරීමෙන් ජනතාව පැමිණෙන බවත් එසේ පැමිණීම හේතුවෙන් තමන්ගේ වටිනා භාණ්ඩද ආරක්ෂා කර ගැනීමට නොහැකි වී ඇතයි ප්‍රදේශවාසීහු පවසති. 

ඡායාරූප - ශමීර රාජපක්ෂ