ග්‍රෑන්ඩ්පාස් ප්‍රදේශයේදී හෙරොයින් සමග කාන්තාවක් අත්අඩංගුවට ගැනීමට ප්‍රතිවිරෝධය දැක්වීමට පැමිණ පුද්ගලයෙකු බිම ඇද වැටීම නිසා මියගොස් තිබෙන අතර, මේ නිසා අද (09දා) එම ප්‍ර‘දේශයේ පිරිස් විසින් නොසන්සුන්කාරී ලෙස කටයුතු කරනු ලැබිණි.

වයස අවුරුදු 65 ක් වූ වී.ජී. ප්‍රේමසිරි නමැත්තා කාන්තාව අත්අඩංගුවට ගැනීමට යාමේදී ප්‍රතිවිරෝධය දැක්වීමේදී බිම ඇදවැටුණ බවත්, එම පුද්ගලයා කොළඹ ජාතික රෝහලට ඇතුළත් කිරීමෙන් පසු මියගිය බවත් පොලිස් මූලස්ථානය සඳහන් කරයි.

එම සිදුවීමෙන් පසු ඇතිවූ නොසන්සුන්කාරී තත්ත්වය පාලනය කිරීමට හැකිවූ බව පොලිස් මූලස්ථානය පවසයි.

සිද්ධිය සම්බන්ධයෙන් කොළඹ උතුර භාර ජ්‍යෙෂ්ඨ පොලිස් අධිකාරිවරයාගේ අධීක්ෂණයෙන් පරීක්ෂණයක් ආරම්භ කර තිබේ.

ඡායාරූප ශමීර රාජපක්ෂ