(UPDATE) මාලඹේ පෞද්ගලික වෛද්‍ය විද්‍යාලය අහෝසිකරන ලෙස ඉල්ලමින් සෞඛ්‍ය අමාත්‍යාංශය වටලා සිටි සරසවි සිසුන් බැටන් පොලු ප්‍රහාර එල්ල කරමින් පළවා හැරීමට පොලිස් විශේෂ කාර්ය බළකාය කටයුතු කළේය. දෙපාර්ශ්වය අතර ඇතිවූ නොසන්සුන්තාව හේතුවෙන් අමාත්‍යාංශයේ දේපළ වලටද හානි ඇතිව තිබේ. පසුව කඳුළු ගෑස් හා ජල ප්‍රහාර එල්ලකරමින් සරසවි සිසුන් පිරිස කොළඹ නගර සභා සීමාව තෙක් විසුරුවා හැරිමටද කටයුතු කෙරිණි.
ඡායාරූප ශමීර රාජපක්ෂ
සරසවි සිසූහු සෞඛ්‍ය අමාත්‍යාංශය වටලති
සයිටම් පෞද්ගලික විශ්වවිද්‍යාල අහෝසි කරන ලෙස රජයට බලකරමින් විශ්විවිද්‍යාල සිසුන් පිරිසක් පවත්වන පාගම සෞඛ්‍ය අමාත්‍යාංශය අසළට පැමිණීමෙන් අනතුරුව ඔවුන් අමාත්‍යාංශ ගොඩනැගිල්ල වටකරමින් හා එය තුළට පිවිස විරෝධතාවයේ නිරත වෙමින් සිටියි.
අන්තර් විශ්වවිද්‍යාල ශිෂ්‍ය බල මණ්ඩලය, අන්තර් විශ්වවිද්‍යාල භික්ෂු බල මණ්ඩලය හා වෛද්‍ය පීඨ ශිෂ්‍ය ක්‍රියාකාරී කමිටුව මෙම විරෝධතාවය සංවිධානය කර තිබේ.
.jpg)
