කොළඹ ලිප්ටන් වට රවුමේ පැවැති සයිටම් විරෝධී සත්‍යග්‍රහයට පොලීසිය ජලප්‍රහාර එල්ල කිරීමට විරෝධය පෑමේ උද්ඝෝෂණයක් සයිටම් විරෝධී සිසු ජන ව්‍යාපාරය ඊයේ (24දා) කොළඹ ලිප්ටන් වටරවුමේදී පැවැත්විණි.
මාලඹේ සයිටම් පෞද්ගලික වෛද්‍ය විද්‍යාලය අහෝසි කරන තුරු සිය සටන නොනවත්වන බව විරෝධතාකරුවෝ පවසා සිටියහ.
ජනතා විමුක්ති පෙරමුණ, පෙරටුගාමී සමාජවාදී පක්ෂය, අන්තර් විශ්වවිද්‍යාල ශිෂ්‍ය බලමණ්ඩලය නියෝජනය කරමින් පිරිසක් මෙම අවස්ථාවට සහභාගි වූහ.
