වසර 30කට පසුව කොළඹ නගරයේ විවෘත වන ප්‍රමුඛතම සංචාරක හෝටලයක් වන Shangri-La Hotels Colombo  (ෂැන්ග‍්‍රි-ලා හොටෙල් කලම්බෝ) අද (16දා) උත්සවාකාරයෙන් විවෘත කෙරිණි.

මේ අවස්ථාවට ජනාධිපති  මෛත‍්‍රීපාල සිරිසේන, අග‍්‍රාමාත්‍ය රනිල් වික‍්‍රමසිංහ, ෂැන්ග‍්‍රි-ලා හෝටලයේ ප‍්‍රධාන කළමනාකරණ නියෝජිතයන් හා මැති ඇමතිවරුන් ඇතුළු පිරිසක් එක්ව සිටියහ.

කොළඹ ගාලුමුවදොර මනස්කාන්ත පරිසරයක පිහිටා තිබෙන ෂැන්ග‍්‍රි-ලා හොටෙල් කලම්බෝ එම සමාගම් සමූහය විසින් මෙරට ඉදිකළ දෙවැනි හෝටලය වෙයි.

කොළඹ නගරයට නව නාගරික හැඩතලයක් එක් කිරීමට සමත්ව තිබෙන ෂැන්ග‍්‍රි-ලා හොටෙල් කලම්බෝ, කාමර 500කින් සර්විස්ඩ් එපාර්ට්මන්ට් 41කින් සමන්විතය.