සයිටම් ආයතනය අහෝසි කරන ලෙස ඉල්ලා අන්තර් විශ්වවිද්‍යාලයීය ශිෂ්‍ය බලමණ්ඩලය විසින් පැවැත්වූ විරෝධතා පෙළපාලියට කඳුළු ගෑස් හා ජල ප්‍රහාර එල්ල කර විසුරුවා හැරීමට පොලීසිය කටයුතු කළේය.
ජල හා කදුළු ගෑස් ප්‍රහාර හමුවේ ශිෂ්‍ය ශිෂ්‍යාවන් ලේක් හවුස් වටරවුම අසල රැඳී සිටීම නිසා ශිෂ්‍යයන්ට එළව එළවා කඳුළු ගෑස් ප්‍රහාර එල්ල කිරීමට පොලීසිය කටයුතු කළේය.
මීට අමතරව බැටන් පොලු ප්‍රහාරද එල්ල කළ අතර, එක් ශිෂයෙකු පොලිස් අත්අඩංගුවට ගනු ලැබීය.
විරෝධතාවයට එක්වූ ශිෂ්‍ය ශිෂ්‍යාවන්, විසුරුවා හැරීමට කටයුතු කළද ඔවුහු මේ වනවිටත් කොම්පඤ්ඤ වීදිය, කොටුව හා මරදාන නෙළුම් කුළුණ ආසන්නයේ රැඳී සිටිති.
මෙහිදී එක් ශිෂ්‍යයෙකු තුවාල ලබා තිබේ.
ඡායාරූප - ක්‍රිෂාන් රණසිංහ
