මහනුවර නගරය ආශ්‍රිතව රිය පදවන විනීත හා කාරුණික රියදුරන් හඳුනා ගැනීමේ වැඩසටහනක් පසුගිය 15දා සිට ආරම්භ කළ බව මහනුවර පොලීසිය පවසයි.

ඒ සඳහා මහනුවර නගරයේ ස්ථාන කිහිපයක පොලිස් කණ්ඩායම් 05ක් ස්ථානගත කර ඇති අතර හඳුනා ගන්නා විනීත රියදුරන්ගේ රථවල ස්ටිකරයක් ඇලවීම හා පොලීසියේ සහ AMW ආයතනයේ අනුග්‍රහයෙන් රුපියල් 3000ක ත්‍යාගයක් පිරිනැමීම සිදුකරන බවද පොලීසිය පවසයි.

ඒ අනුව පසුගිය 15දා පැවති සමාරම්භක උත්සවයේදී එසේ හඳුනාගත් විනීත හා කාරුණික රියදුරන් 44කට මෙම මුදල් ත්‍යාග හා ස්ටිකර් ඇලවීම සිදු කළ බවද පොලීසිය වැඩිදුරටත් සඳහන් කරයි.