(UPDATE) වරකාපොළ දුම්මලදෙණියේදී අද සිදුවූ අනතුරිනි මිය ගිය පුද්ගලයින් සංඛ්‍යාව හය දක්වා වැඩිවිය. ඒ කොළඹ ජාතික රෝහලට ඇතුළත් කළ තවත් පුද්ගලයෙක්ද මිය ගිය හෙයිනි.

වරකාපොළ, දුම්මලදෙණියේ අද (30දා) අලුයම සිදු වූ අනතුරකින් පස්දෙනෙකු ජීවිතක්ෂයට පත්ව තිබෙනවා.

පිළියන්දළ සිට සෝමාවතියේ වන්දනා චාරිකාවක් යමින් සිටි බස්රථයක් හා සමන්තුරේ සිට කොළඹ බලා ධාවනය වූ වෑන් රථයක් ගැටීමෙන් මෙම අනතුරුව සිදුව තිබුණා.

කාන්තාවන් සිවුදෙනෙකු හා එක් පිරිමියෙකු අනතුරින් මරණයට පත්ව ඇති බවත් කුඩා දරුවෙකුද ඒ අතර වෙන බවත් වාර්තා වෙනවා. මරණයට පත්වූ සියල්ලන්ම වෑන් රථයේ ගමන්ගත් පුද්ගලයින් වෙනවා.

මෘත ශරීර වරකාපොළ රෝහලේ තැන්පත් කර තිබෙන අතර වරකාපොළ පොලීසිය වැඩිදුර පරීක්ෂණ පවත්වනවා.

ඡායාරූප - චමින්ද සම්පත්