සිල්රෙදි නඩුවට වැරදිකරුවන් බවට පත්ව වරස තුනක බරපතල වැඩ සහිත සිර දඩුවම් නියම වූ හිටපු ජනපති ලේකම් ලලිත් වීරතුංග හා ශ්‍රී ලංකා විදුලි සංදේශ නියාමන කොමිසමෙ හිටපු අධ්‍යක්ෂ ජනරාල් අනූෂ පැල්පට යන මහත්වරුවන්ට කොන්දේසි සහිත ඇප නියම කිරීමට කොළඹ මහාධිරණය අද (20දා) නියම කළේය.
ඒ ඔවුන් ඉදිරිපත් කළ ඇප අයැඳුමක් සළකා බැලීමෙන් අනතුරුවය. තමන්ට දුන් නඩු තීන්දුවට එරෙහිව ඇපෑලක් ඉදිරිපත් කරන බවත් ඒ නිසා තමන්ට ඇප ලබාදෙන ලෙසත් සඳහන් කරමින් ලලිත් වීරතුංග හා අනූෂ පැල්පිට මහත්වරුන් නීතිඥයින් මාර්ගයෙන් ඇප අයඳුමක් ඉදිරපත් කළේය.
එක් අයකුට රුපියල් ලක්ෂය බැගින් වූ මුදල් ඇපයක් හා රුපියල් ලක්ෂ 10 බැගින් වූ ශරීර ඇප තුනක් මත ඔවුන් මුදා හැරි අතර ඇපකරුවන් තිදෙනාගෙන් අයකු අධිකරණ බල සීමාවේ පදිංචිකරුවකු වීම, අයකු ළඟම ඥාතියකු වීම හා අයකු රජයේ සේවකයකු වීම අනිවාර්ය කෙරිණි. ඔවුන්ගේ විදෙස් ගමන් ද තහනම් කෙරුණු අතර විදෙස් ගමන් බලපත්‍ර අධිකරණයට බාර දෙන ලෙස ද නියම කෙරිණි.
ඡායාරූප ඒ්ෂාන් ප්‍රනාන්දු
