ත්‍රිකුණාමලය මැක්හෙයිෂර් ක්‍රීඩාංගණයේ පැවැති "ජාතික යොවුන් පුරය 2017" උළෙලේ ඊයේ (01දා) පැවැති සමාප්ති උත්සවයේ විශේෂ ආරාධිත අමුත්තා ලෙස ජනාධිපති මෛත්‍රීපාල සිරිසේන මහතා එක් විය.
යොවුන් පුරයේ නිරීක්ෂණ චාරිකාවක නිරත වෙමින් තරුණ කඳවුරු ද නිරික්ෂණය කළ ජනාධිපතිවරයා තරුණ තරුණියන් සමග සුහද කතා බහක නිරත විය.
යොවුන් පුරයේ නිර්මාණාත්මක දිස්ත්‍රික්කය වන මොණරාගල දිස්ත්‍රික්කය වෙනුවෙන් සහ හොඳම දිස්ත්‍රික්කය වූ ගම්පහ දිස්ත්‍රික්කය වෙනුවෙන් ත්‍යාග ප්‍රදානය කිරීම ද ජනාධිපතිවරයා අතින් සිදුවිය.
