යුද්ධය ජයග්‍රහණය කිරීමට යුද හමුදාව ලබාදුන් ශක්තියට රටේ අනෙකුත් කටයුතු වෙනුවෙන් ලබාදීමට කටයුතු කරන බව යුද හමුදාපති ලුතිනන් ජෙනරාල් මහේෂ් සේනානායක මහතා සඳහන් කළේය.
යුද්ධය අවසන් වීමෙන් පසු ආපදා තත්ත්වයන්වලදී හා රටේ අනෙකුත් අවශ්‍යතාවලදී යුදහමුදාව තම ශක්තිය ලබාදෙමින් සිටින බවත්, එම ශක්තිය තව තවත් වැඩිදියුණු කිරීමට අවශ්‍ය කටයුතු කරන බවද පවසා සිටියේය.
නව යුදහමුදාපතිවරයා ලෙස තනතුරේ වැඩභාරගැනීම සඳහා අද (05දා) පැවති උත්සවයකට සහභාගීවෙමින් මේ බව සඳහන් කළ යුදහමුදාපතිවරයා වැඩිදුරටත් සඳහන් කළේ යුදහමුදාවේ ශක්තිය විනය හා කැපකිරීම බවය.
