ඩයලොග් අන්තර්සමාජ සත් සාමාජික රග්බි ශූරතාවයේ පළමු අදියර ජය ගැනීමට මහනුවර ක්‍රීඩා සමාජය සමත් විය.ඒ අවසන් තරගයේදී පොලිස් 'ඒ' කණ්ඩායම ලකුණු 26-05 ක් ලෙස පරාජයට පත් කරමිනි. කොළඹ තුරඟ අද (03) අවසන් වූ තරගාවලියේ තෙවැනි ස්ථානය ගුවන් හමුදාව හිමිකර ගනිද්දී පලඟ ශූරතාව නාවික හමුදා 'ඒ' කණ්ඩායම දිනා ගත්හ.

මේ අතර තරගාවලියේ හත්වැනි ස්ථානය නාවික හමුදා 'බී' විසින් දිනා ගන්නා ලද අතර සී.එච්. ඇන්ඩ් එෆ්.සී. 'බී' පලිහ ශූරතාව දිනා ගන්නා ලදී. මේ අතරකාන්තා අංශයේ ශූරතාව දිනාගැනීමට  නාවික හමුදා කණ්ඩායම සමත් විය. ඒ කුසලාන අවසන් තරගයේදී යුද හමුදාව ලකුණු 15-07ක් ලෙස පරාජයට පත් කරමිනි. මෙහි පළඟ ශූරතාව ගුවන් හමුදාව විසින් දිනා ගත්හ.

 පුරා දින දෙකක් (02, 03) මෙම තරගාවලිය කොළඹ තුරග තරග පිටියේදි පැවැත්විණි. මෙම තරගාවලියේ දෙවැනි අදියර එළඹෙන 16 හා 17 දෙදින තුළ තුරග තරග පිටියේදී පැවැත්වෙන අතර තරගාවලියේ  සමස්ථ ජයග්‍රාහයකයින් එම අදියරේ ලබා ගන්නා ප්‍රතිඵල අනුව තිරණය වේ.

කාන්තා (කුසලාන) අවසන් තරගයේ අවස්ථාවක්

කුසලාන (පිරිමි) අවසන් තරගයේ අවස්ථාවක්

 ඡායාරූප - ශමීර රාජපක්ෂ