බෞද්ධාලෝක වෙසක් කලාපයේ සමාරම්භක උත්සවය ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් අද (10දා) බෞද්ධ මහා සම්මේලන පරිශ්‍රයේදී සිදුකෙරිණි.
එහිදී සර්වඥ ධාතූන් වහන්සේලා ධාතු මන්දිරයේ තැන්පත් කිරීම සහ තොරණ විවෘත කිරීම ජනාධිපතිවරයාගේ සුරතින් සිදුවිය.
මේ අවස්ථාවට පූජ්‍ය වැලවිටියාවේ කුසලධම්ම හිමි, බෙල්ලන්විල විමලරතන හිමි හා අස්ගිරි ගෙඩිගේ රජමහා විහාරාධිකාරී කෝමාරිකේ රාහුල හිමි ඇතුළු සංඝරත්නයද, බුද්ධ ශාසන හා අධිකරණ අමාත්‍ය විජයදාස රාජපක්ෂ, නියෝජ්‍ය කථානායක තිලංග සුමතිපාල සහ බෞද්ධ මහා සම්මේලනයේ සභාපති ප්‍රනීත් අබේසුන්දර යන මහත්වරු ඇතුළු පිරිසක්ද සහභාගි වූහ.
