රුපියල් ලක්ෂ 8 බැගින් ගෙවා  නීති විරෝධී ලෙස බෝට්ටුවක නැගී ඕස්ට්‍රේලියාව බලා ගිය ශ්‍රී ලංකික තරුණයෝ දෙදෙනෙක් වසර තුනකට පසුව එරටින් පිටවුහල් කොට ආපසු මෙරටට එවනු ලැබ සිටියදී කටුනායක බණ්ඩාරණායක ජාත්‍යන්තර ගුවන්තොටුපොළේදී අපරාධ පරීක්ෂණ දෙපාර්තමේන්තු නිළධාරීන් විසින් අත් අඩංගුවට ගනු ලැබීය.

සැකකරුවෝ 30 හැවිිරිදි වියේ පසුවන හලාවත, උඩප්පුව ප්‍රදේශයේ පදිංචිකරුවෝ වෙති.

ඔවුහු පසුගිය 2012 වසරේ ජුනි 13 වෙනි දින එක් අයෙකු රුපියල් ලක්ෂ 8 බැගින් හලාවත ප්‍රදේශයේ ඒජන්තවරයෙකුට ගෙවා තවත් පිරිසක් සමග බෝට්ටුවක නැගී ඕස්ට්‍රේලියාවට ගොස්  ඇත.

පසුව එහි විවිධ වැඩකරමින් සිටියදී එරට බලධාරීන්ට අසුව මෙලෙස පිටුවහල් කොට  එවා ඇත.