ශ්‍රී ලංකාවේ දෙවන විධායක ජනාධිපති, දිවංගත රණසිංහ ප්‍රේමදාස මහතාගේ 24 වන ගුණසමරු උත්සවය, ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් කොළඹ අලුත්කඩේ උසාවිය අසළ පිහිටි රණසිංහ ප්‍රේමදාස පිළිරුව අභියස දී අද (01දා) පෙරවරුවේ පැවැත්විණි.
ජනාධිපතිවරයා රණසිංහ ප්‍රේමදාස මහතාගේ පිළිරුවට පුෂ්පෝපහාර දැක්වීමට ද එක්විය.
මේ අවස්ථාවට මහා සංඝරත්නය, අග්‍රාමාත්‍ය රනිල් වික්‍රමසිංහ, කතානායක කරූ ජයසූරිය යන මහත්වරුන් ඇතුඑ මැති ඇමතිවරුන් ද අමාත්‍ය සජිත් ප්‍රේමදාස මහතා සහ හේමා ප්‍රේමදාස මහත්මිය ඇතුඑ රණසිංහ ප්‍රේමදාස මැතිතුමාගේ පවුලේ ඥාතීන් ද එක්වූහ.
