කොළඹ සම්බෝධි විහාරාධිපති සහ බෞද්ධයා මාධ්‍ය ජාලයේ නිර්මාර්තෘ, අපවත් වී වදාළ දරණාගම කුසලධම්ම හිමියන්ගේ ආදාහන පූජෝත්සවය අද (08දා) පස්වරුවේ කොළඹ නිදහස් චතුරශ්‍රය අසලදී රාජ්‍ය අනුග්‍රහය යටතේ විශාල පිරිසකගේ සහභාගිත්වයෙන් සිදුකෙරිණි.
දරණාගම කුසලධම්ම හිමියන්ගේ දේහය රැගත් ආදාහන පෙරහර අද (08දා) පස්වරු 1.30 පමණ ශ්‍රී සම්බෝධි විහාරයෙන් පිටත් වූ අතර, පස්වරු 3.00ට පමණ නිදහස් චතුරස්‍ර පරිශයේදී ආදාහන උත්සවය ආරම්භ විය.
ආදාහන පූජෝත්සවය සඳහා මල්වතු, අමරපුර හා රාමඤ නිකායන් නියෝජනය කරමින් හිමිවරුන් ප්‍රධාන ත්‍රෛනිකායික මහා සංඝරත්නය වැඩමකර සිටියහ. එමෙන්ම ගිහි පක්ෂය නියෝජනය කරමින් කථානායක කරු ජයසූරිය, හිටපු ජනාධිපති මහින්ද රාජපක්ෂ යන මහත්වරුන් ඇතුළු විශාල පිරිසක්ද මෙම අවස්ථාවට එක්ව සිටියහ.
