තායිලන්ත භූමිබෝල් අදුල්යාදෙජ් රජුගේ 88 වැනි ජන්ම දිනය සමරනු වස් අද (11දා)   බයික් ෆෝ ඩෑඩ් යනුවෙන් ප්‍රදර්ශන පාපැදි තරගාවලියක්  කොළඹ නිදහස් චතුරශ්‍රයේදී පැවැත්විණි.

ශ්‍රී ලංකා තායි තානාපති කාර්යාලයේ මෙහෙයවීමෙන් පැවති මෙම ප්‍රදර්ශන පාපැදි තරගාවලියට ත්‍රිවිධ හමුදාව නියෝජනය කරමින් පාපැදි තරගකරුවන් රාශියක් හා මෙරට වෙසෙන තායිලන්ත ජාතිකයෝ රැසක් සහභාගී වූහ.

ප්‍රදර්ශන පාපැදි තරගාවලිය නිදහස් චතුරස්‍රය අභියසින් ආරම්භ වී කිලෝමීටර් 3.4 ක් දුර ගමන් කර අවසන් විය. භූමිබෝල් රජුගේ ජන්ම දිනය රටවල් 70 ක තායි ජනයා බයික් ෆෝ ඩෑඩ් ලෙස සැමරූ අතර, මෙරට ප්‍රදර්ශන පාපැදි තරගය ඇරඹීමට ප්‍රථම තායිලන්ත තානාපතිවරයා විශේෂ දේශනයක්ද පැවැත්වීය.

ඡායාරූප ක්‍රිෂාන් රණසිංහ