සුහුරු පන්ති කාමර ක්‍රියාත්මක කිරීමට අදාළව එහි නියමු ව්‍යාපෘතිය අද (13දා)  ජයවර්ධනපුර (පිරිමි)  මහා විද්‍යාලයෙන් ආරම්භ කරනු ලැබීය. සුහුරු පන්ති කාමරය තුළ ටැබ් පරිගණක භාවිතා කරමින් ඉංග්‍රීසි මාධ්‍යයෙන් ඉගෙනුම්/ ඉගැන්වීම් ක්‍රියාවලිය සිදුකෙරෙන අතර කිසිදු මුද්‍රිත පොතක් භාවිත කිරීමේ අවශ්‍යතාවක් පැන නොනගින බව අමාත්‍යාංශය නිවේදනය කරයි. අධ්‍යාපන අමාත්‍ය අකිල විරාජ් කාරියවසම් මහතාගේ ප්‍රධානත්වයෙන් මෙම නියමු ව්‍යාපෘතිය ආරම්භ කරනු ලැබීය.