ශ්‍රී ලංකා නිදහස් පක්ෂයේ 66 වැනි සංවත්සරය වෙනුවෙන් පක්ෂය සූදානම් වෙමින් සිටී. ඒ වෙනුවෙන් සුබ පතා ශ්‍රී ලංකා නිදහස් පක්ෂයේ දේශපාලඥයින් කොළඹ දිස්ත්‍රික්කය පුරා දැන්වීම්, කටවුට්, පෝස්ටර් තැනින් තැන ප්‍රදර්ශනය කර තිබේ. කෙසේ වෙතත් පසුගිය ජනපතිවරණ සමයේදි ජනපති මෛත්‍රීපාල සිරිසේන මහතා මෙවැනි කාර්යයන් තරයේ ප්‍රතික්ෂේප කළේය.  හිටුපු ජනපති මහින්ද රාජපක්ෂ මහතා වෙනුවෙන්ද මේ ආකාරයෙන් කටවුට්, දැන්වීම්, පෝස්ටර් ප්‍රදර්ශනය කිරීම හේතුවෙන් ඔහුටද දැඩි විවේචනයක් එල්ල විය. සැප්තැම්බර් මස 03 දා නිදහස් පක්ෂ 66 වැනි සංවත්සරය කොළඹදී පැවැත්වීමට නියමිතය.