අපවත් වී වදාල ශ්‍රී ලංකා රාමඤ්ඤ නිකායේ අනුනායක අති පූජ්‍ය ගිරාඹේ  ආනන්ද නාහිමියන්ගේ ශ්‍රී  දේහයට  ජනාධිපති මෛත්‍රීපාල සිරිසේන මහතා අනුරාධපුර ශ්‍රී  සාරානන්ද පිරිවෙනේදී අද (24) අවසන් ගෞරව දැක්වීය.

ශ්‍රී ලංකා රාමඤ්ඤ නිකායේ අනුනායක අති පූජ්‍ය ගිරාඹේ  ආනන්ද නාහිමියන්ගේ දේහය මහජන ගෞරවය සදහා අනුරාධපුර සාරානන්ද පිරිවෙනෙහි තැන්පත් කර තිබූ අතර පසුගිය දින කිහිපයේ මහා සංඝරත්නය, මැති ඇමතිවරුන් ඇතුලු විශාල පිරිසක් නාහිමියන්ට අවසන් ගෞරව දැක්වූහ.

අති පූජ්‍ය ගිරාඹේ  ආනන්ද නාහිමියන්ගේ ආදාහන පූජෝත්සවය අද (24) පස්වරු 3.00 ට අනුරාධපුර වලිසිංහ හරිස්චන්ද්‍ර ක්‍රීඩාංගණයේදී රාජ්‍යය අනුග්‍රහය සහිතව සිදුකෙරිණි.