හෙට (04) දිනයේදී කටයුතු කළ යුතු ආකාරය පිළිබඳව සාකච්ඡා කිරීමට අද (03දා) සවස හිටපු ජනාධිපති මහින්ද රාජපක්ෂ මහතාගේ ප්‍රධානත්වයෙන් විශේෂ සාකච්ඡාවක් පවත්වන බව ඒකාබද්ධ විපක්ෂය සඳහන් කරයි.

ශ්‍රී ලංකා නිදහස් පක්ෂය ගත් තීරණයක් සමග හෙට (04දා) දිනයේදී අගමැතිවරයාට ගෙදර යෑමට සිදුවීම කිසි ලෙසකින් වළක්වා ගත නොහැකි බවද එම සංවිධානයේ ජාතික සංවිධායක රංජිත් සොයිසා මහතා සඳහන් කළේය.

මේ නිසා අගමැතිවරයා අද දිනයේදීම ඉල්ලා අස්විය යුතු බවද හෙතෙම පවසා සිටියේය. හිටපු ජනාධිපති මහින්ද රාජපක්ෂ මහතා සමග පැවැත්වෙන සාකච්ඡාවට ඒකාබද්ධ විපක්ෂයේ සියලුම දෙනාම සහභාගි වීමට නියමිත බවත්, විදේශ ගතව සිටි සියලුම දෙනාත් මේ වන විට ලංකාවට පැමිණ තිබෙන බවත් හෙතෙම කියා සිටියේය.