එක්සත් ජාතීන්ගේ වෙසක් දින උළෙලට එකවීම සඳහා ඉන්දීය අග්‍රාමාත්‍ය නරේන්ද්‍ර මෝදි මහතා ශ්‍රී ලංකාවට පැමිණියේය. පස්වරු 5.40ට පමණ ඉන්දියාවට අයත් විශේෂ ගුවන් යානයකින් ඔහු දිවයිනට පැමිණියේය.

ඉන්දීය අග්‍රාමාත්‍යවරයාත් සමග 65කට ආසන්න දූත පිරිසක් දිවයිනට පැමිණියහ. ඔවුන්ව පිළිගැනීම සඳහා අග්‍රාමාත්‍ය රනිල් වික්‍රමසිංහ මහතා ඇතුළු පිරිසක් කටුනායක ගුවන්තොටුපොළට පැමිණියහ.

ඉන්දීය අග්‍රාමාත්‍යවරයා සිය දෙදින නිල සංචාරය නිමා කරමින් හෙට (12දා) නැවතත් ඉන්දියාව බලා යෑමට නියමිතය.