පැසිෆික් සහයෝගිතා දූත මෙහෙවර සඳහා ශ්‍රී ලංකාවට පැමිණ සිටින එක්සත් ජනපද පැසිෆික් නාවික බළඇණියට අයත් නාවික හමුදා සෙබළ සෙබළියෝ පිරිසක් අද (12දා) පැවැති පසළොස්වක පෝහොය දිනයේ අම්බලන්තොට වාඳුරුප්ප සුනන්දාරාමයට ගොස් පූජාමය පිංකමකට හා දානමය පිංකමකට සහභාගි වූහ.

එම වැඩසටහනට සහභාගි වූ ඇමෙරිකානු නාවික හමුදාවේ  සෙබළු එදින සිල් සමාදන්වූ පිරිසට දානය පිරිනැමීමෙන් අනතුරුව සුනන්ධාරාමයේ විහාරාධිපති මාලිගාතැන්නේ ධම්මකීර්ති හිමියන්ගෙන් ආශීර්වාද ලබාගත්හ. 

එක්සත් ජනපද පැසිෆික් නාවික බළඇණිය හා එහි ප්‍රවාහන නෞකාව වන  USNS fall  River නෞකාව පසුගිය 07 වැනිදා  හම්බන්තොට මාගම්පුර මහින්ද රාජපක්ෂ ජාත්‍යන්තර වරායට සේන්දුවිය.