අභාවප්‍රාප්ත ආචාර්ය මිලිනා සුමතිපාල මහත්මියගේ අවසන් කටයුතු අද (29දා) කොළඹ බෞද්ධාලෝක මාවතේ පිහිටි සමස්ත ලංකා බෞද්ධ මහා සම්මේලනයේදී සිදුකෙරිණි.
පුංචිබොරැල්ල, අංක 11, ආචාර්ය මිලිනා සුමතිපාල මාවතේ පිහිටි නිවසේ තැන්පත්කර තිබූ දේහය පස්වරුවේ රිය පෙරහරින් සමස්ත ලංකා බෞද්ධ මහා සම්මේලන පරිශ්‍රයට රැගෙන එන ලද අතර, ආගමික වතාවත් සහ ගුණකථනයන්ගෙන් අනතුරුව ආදාහන කටයුතු සිදුකෙරිණි.
සම්භාව්‍ය චිත්‍රපට නිෂ්පාදකවරියක, ප්‍රසිද්ධ සමාජ සේවිකාවක, දක්‍ෂ ව්‍යාපාරිකාවක මෙන්ම සමස්ත ලංකා බෞද්ධ මහා සම්මේලනයේ හිටපු සභාපතිනියද වූ මිලිනා සුමතිපාල මහත්මිය ජාතික, ආගමික, සංස්කෘතික සේවා රැසක් රටට දායාද කළ කාන්තාවකි.
මිලිනා සුමතිපාල මහත්මිය යන අයගේ ලෝක බෞද්ධ සම්මේලනයේ උප සභාපති සුමති සමූහ ව්‍යාපාරයේ අධ්‍යක්ෂ ජගත් සුමතිපාල , නියෝජ්‍ය කථානකායක ක්‍රිකට් සභාපති තිලංග සුමතිපාල ,සන්ධ්‍යා අලහේන්ද්‍ර, රමණී ගුණදාස , අනෝජා චන්ද්‍රතිලක , අනුෂා ධර්මදාස , ශානිකා එදිරිසිංහ යන අයගේ මැණියන් වේ.
ඡායාරූප - ඉසුරු පෙරේරා
