ඇවිද යාමට නොහැකි 81 වියැති මහලු මවක් ඓතිහාසික සිතුල්පව්ව රාජමහා විහාරයේ අඩි 428 ක් උසක පිහිටි චෛත්‍ය රාජයාණන් වෙත ඔසවාගෙන යන තරුණයෙකු ඡායාරූපයේ දැක්වේ. 

මාකඳුර, තලහගම පදිංචි කේ.ජී. සීලවතී නම් ඇවිදීමේ අපහසුවෙන් පසුවන එම වියපත් මාතාව සිය දියණියක හා ගමේ පිරිසක් සමග කතරගම වන්දනාවේ ගොස් තිබේ. 

එහිදී සිතුල්පව්ව රාජමහා විහාරයද වැඳ පුදාගැනීමට ගිය ඇය ධාතු මන්දිරය දෙසට ගොස් චෛත්‍ය මළුව දෙස බලාගෙන  'අනේ මටත් චෛත්‍යය වැඳ පුදාගන්න මළුවට යන්න ඇත්නම්' යැයි පවසමින් වැලි මළුවේ රැඳී සිටියදී එහි පැමිණි අදාළ තරුණයා ඇය දෑතින් ඔසවාගෙන අඩි 428 ක් උස චෛත්‍ය මළුව වෙත මෙසේ ගමන් කළේය.

ඇත්කඳුරේ - ජනත් ද සිල්වා